Binance USDT almaq bank kartı ilə: Visa/Mastercard addımları, AZN, kartın rədd edilməsi və limit

01

Kartla alış P2P-dən nə ilə fərqlənir?

Kartla alışda ödənişi Binance-in [Buy Crypto] bölməsində Visa və ya Mastercard kartı ilə edirsiniz və qarşı tərəf satıcı deyil; P2P-də isə pulu başqa istifadəçiyə köçürürsünüz.

Binance-in təlimatına görə kartla alışda Visa və Mastercard kredit və debet kartları, həmçinin Apple Pay və Google Pay dəstəklənir. Eyni təlimatdakı dəstəklənən fiat valyutalar siyahısında AZN də var.

P2P-də isə alış başqa istifadəçi ilə sifarişdir: siz satıcıya pul köçürürsünüz, satıcı USDT-ni buraxır. Satıcı seçimi, ödəniş işarəsi və mübahisə qaydaları orada ayrıca məsələdir.

Bizim fikrimiz: kartla alışda satıcı ilə yazışma və ödənişdən sonra gözləmə yoxdur, amma bank kriptovalyuta əməliyyatını rədd edə və ya əlavə haqq tuta bilər. Hansının sizə uyğun olduğunu ilk dəfə kiçik məbləğlə yoxlayın.

P2P yolu üçün Binance P2P-də AZN ilə USDT almaq yazısına baxın.

02

Binance-də bank kartı ilə USDT necə alınır?

Saytda [Buy Crypto] bölməsinə keçin, valyutanı və məbləği seçin, ödəniş üsulu kimi [Card (VISA/Mastercard)] seçib [Buy] basın; kartı ilk dəfə istifadə edirsinizsə [Add New Card] ilə əlavə edin, ödəniş detallarını və haqqı yoxlayıb [Confirm] basın.

Saytda (Binance-in veb təlimatına görə): 1) hesabınıza daxil olub [Buy Crypto] basın; 2) ödəyəcəyiniz fiat valyutanı və məbləği seçin, sistem alacağınız kripto miqdarını avtomatik göstərir; ödəniş üsulu kimi [Card (VISA/Mastercard)] seçib [Buy] basın; 3) kartla ilk dəfə alırsınızsa [Add New Card] basıb kart məlumatlarını yazın və [Confirm] edin; 4) ödəniş detallarını və əməliyyat haqqını diqqətlə yoxlayıb [Confirm] basın; 5) lazım olduqda bankın birdəfəlik şifrə səhifəsinə yönləndirilirsiniz, ödənişi orada təsdiqləyin; 6) sifarişin işlənməsini gözləyin.

Tətbiqdə (Pro rejimi): [Add Funds] - [Buy with] seçin, sağ yuxarıdakı menyudan valyutanı dəyişin, məbləği yazın və ödəniş üsulu kimi [Card (Visa/Mastercard)] seçin. Kimlik yoxlaması bitməyibsə, təlimata görə bu addımda ondan keçmək tələb olunur. Kartı seçdikdən sonra CVV daxil edilir, sonra detallar yoxlanıb [Confirm] basılır.

Təlimat iki şeyi xüsusi qeyd edir: qiymət və alacağınız kripto miqdarı istənilən an avtomatik yenidən hesablana bilər, ona görə [Confirm]-dən əvvəl son rəqəmə baxın; sifarişi verilən vaxt ərzində tamamlamasanız, o etibarsız olur və yeni sifariş vermək lazımdır.

03

Kartla alış üçün kimlik yoxlaması və limit

Kartla kripto almaq üçün kimlik yoxlaması tələb olunur; hər tamamlanan yoxlama səviyyəsi daha yüksək əməliyyat limiti verir.

Binance-in təlimatı belə yazır: “To ensure a stable and compliant fiat gateway, users buying crypto with credit and debit cards are required to complete Identity Verification.” Kimlik yoxlamasını artıq bitirmisinizsə, əlavə məlumat tələb olunmadan almağa davam edə bilərsiniz.

Limitə çatmısınızsa, veb təlimatına görə sifariş zamanı [Increase limit] basıb əlavə yoxlamadan keçə bilərsiniz. Cari limitlər profil ikonunun altında [Account] - [Identification] səhifəsində görünür. Limitin rəqəmlərini burada yazmırıq, onlar sizin yoxlama səviyyənizə görədir.

Kart əlavə etmə qaydası: təlimatda bir hesaba bağlana bilən kartların sayı və bir anda çox kart bağlamaq istəyəndə tətbiq olunan gözləmə müddəti yazılıb. Gözləmə yalnız kart bağlama prosesinə aiddir; əvvəlcədən əlavə edilmiş kartla alış əlavə gözləmə olmadan davam edir.

Kimlik yoxlamasının addımları üçün Binance hesabı və KYC bələdçisinə baxın.

04

Bank kartı rədd edilirsə nə etməli?

Binance-in təlimatına görə bəzi banklar və kart təminatçıları daxili qaydalarına görə kripto əməliyyatlarını məhdudlaşdırır; bankınızla əlaqə saxlayın və ya başqa kartla cəhd edin.

Təlimatda iki xəta mesajı nümunə kimi göstərilir: “Transaction declined by issuing bank. Please contact your bank or try a different bank card” və “The card you’re using is not supported, please change a card and try again”. Hər ikisinin izahı eynidir: “Some banks and card providers may restrict cryptocurrency transactions due to internal policies.”

Kart bağlanmırsa, Binance başqa bankın və ya mümkünsə başqa ölkədə buraxılmış kartı sınamağı təklif edir. Kartın buraxıldığı ölkə dəstəklənmirsə, yenə başqa ölkənin kartı ilə cəhd etmək tövsiyə olunur.

Kartın statusu kart nömrəsinin sağında görünür; vaxtı keçmiş kartla əməliyyat etmək olmur. Vaxtı keçən və ya keçmək üzrə olan kart üçün [Update] basıb kartı yenidən təsdiqləyin. Kartı silmək üçün sağdakı zibil qutusu ikonu var; dövri alış planında istifadə olunan kartı plan ləğv edilmədən silmək olmur.

Bizim fikrimiz: bank rədd edirsə, bunu Binance-in xətası kimi deyil, bankın qaydası kimi yoxlayın; bankın çağrı mərkəzindən kartla kripto ödənişinin icazəli olub-olmadığını soruşun. Kartı başqasının adına olan və ya kiminsə «köməklik» üçün verdiyi kartla əvəz etməyin.

05

Niyə gözlədiyimdən az USDT gəldi?

Kartla alışda həm haqq, həm də məzənnə/qiymət yekun miqdara təsir edir; bəzi banklar kripto alışını «quasi-cash» sayıb əlavə haqq da tuta bilər.

Binance-in təlimatı yazır: “When buying cryptocurrency with a card, both fees and conversion rates/prices can affect the final amount you receive.” Sifarişin detalları [History] - [Fiat Order] bölməsindədir.

Əlavə haqq barədə: “Some banks may classify crypto transactions as quasi-cash payments, resulting in additional fees.” Belə haqq tutulubsa, Binance səbəbi aydınlaşdırmaq üçün banka müraciət etməyi tövsiyə edir. Bu haqq Binance-in sifariş ekranında görünən haqdan ayrıdır.

Qiymətin necə hesablandığını görmək üçün təlimat qiymət təklifinin yanındakı [...] ikonunu göstərir.

06

Sifariş uğursuz oldu, pul çıxıldı: harada yoxlamalı?

[History] - [Fiat Order] bölməsində uğursuz sifarişi tapın, [i] düyməsi ilə [Unable to Process] izahına baxın; uğursuz əməliyyatda çıxılan məbləğ karta geri qaytarılır.

Veb təlimatına görə uğursuz sifarişin statusu “Failed” görünür. [i] düyməsi ilə [Unable to Process] altında ətraflı izah açılır, əlavə kömək üçün [Inquiry] basaraq Binance dəstəyinə müraciət etmək olar.

Geri qaytarma barədə təlimat belə yazır: “Yes, if payment has been deducted for failed transactions, the payment amount will be refunded to your card.” Qaytarılmanın kart çıxarışında görünməsi bir neçə gün çəkə bilər.

Alış uğurlu olubsa, aldığınız kriptonu saytda pulqabı ikonunun üzərinə gəlib [Overview] bölməsində görə bilərsiniz. Alış tarixçəsi [Buy & Sell] - [Orders] və ya [Fiat Order] - [Buy] altındadır.

Zəncir üzərində depozit gecikirsə, Binance depoziti gəlmədi yazısına baxın.